Гимнография сщмч. Иоанна Смирнова пресвитера 1937

Гимнография: 
[Служба]  [Великое бдение]  [Бдение]  [Полиелей]  [Славословие]  [«на 6»]  [«на 4»]  [Тропарь]  [Кондак]  [Молитва]  [Канон]  [Акафист]
Даты: 
Иконы: 
Полиелей: 

На Господи воззвах

Стихиры, гл. 4, под. Дал еси знамение

Дал еси, Владыко, утешение/ праведным родителем/ Иоанна отрока боголюбива/ кротка же и послушлива/ сообразен нрав прозванию имуща,/ и от юности Христу служити возжелевша,/ темже ныне от людей российских ублажаема/ яко праведне// сие служение сотворившаго.

Дал еси, Премудрости Подателю,/ разум благ тебе возлюбльшему,/ сей бо книжником слепым не уподобися,/ токмо внешняя разумевающим,/ но и существенное всего закона же и дух/ истинно постиже и исполни,/ не мечтании и размышлении/ но и жительством, и делы// сего ради ныне ублажается.

Дал еси, Владыко Человеколюбче,/ пастве Дома праведнаго Лазаря/ Иоанна пастыря и мудраго учителя,/ просветителя и попечителя,/ надзи-рания гонителей не устрашившагося,/ но в духа кротости и верности Хри-сту/ службу Божию усердно совершавшаго,/ и Евангелие благовествовав-шаго// и ко страданию достойне уготовившагося.

Дал еси Твоею благодатию терпение,/ преданному, Спасе, Твоему служителю,/ оклеветан бо и тяжце оскорблен/ заповедей Истины не от-ступися,/ и мучители, и бесы истязуемь,/ бодренно на страсть и смерть изыде,/ укрепляемый всесильной силою/ Иисуса мучеников Возрастителя// и Спасителя душ наших.

Дал еси, Владыко, знамение,/ архиереем и российстим людем,/ дух прияв священномученика Иоанна/ в день нарочит Знамения/ яко храма Знамения Пречистой настоятеля,/ Ей и Сыну Ея благоугодившаго,/ до конца служение верно совершившаго,/ пред мучители Христа прославив-шаго// и молящагося присно о душах наших.

Слава, глас и подобен той же

Дал еси, Прещедрый, утешение/ верным всем и мучениколюбцем/ велий славя сонм страдальцев новых,/ иже и ходатаи о нас всемощнии явишася/ в нихже явственне просиявает/ храма нашего небесный покрови-тель/ добрый пастырь и страдалец терпеливный/ Иоанн священномученик// и предстатель о душах наших.

И ныне:

На литии, Стихиры, гл. 5

под. Радуйся, Живоносный Кресте:

Приидите, мучениколюбцы,/ ныне бо нам присно предлежит/ велий пир духовный/ в памятех страдальцев новых,/ иже крестный путь свой проидоша/ во оны люты дни гонения безбожнаго,/ и Христову веру/ мно-гими кровьми свидетельствоваша,/ сим свидетельством колена русских людей/ паки к Богу обратишася,/ и сего ради славим новомученики,/ ихже молитвами// просвещени быхом.

Радуйся, священномучениче Иоанне,/ доброе земли Московстей вос-питание,/ сыне пастыря церковнаго достойный,/ истинный служителю Христов,/ кротости Того предивный подражателю,/ веры и благочестия наставниче,/ Отеческих деяний и словес/ испытателю рачительный,/ и мо-литвенник прилежный,/ добродетелей изрядных ради/ мученический венец стяжавый,/ моли Христа, Его же возлюбил еси,// спасти и просветити души наша.

Радуйся, страдальче терпеливный,/ чистым и благочестивым житием,/ яко невесту душу твою/ непорочну уготовавый Христу,/ деяньми землю сердца твоего/ плодоносну сотворивый,/ молитву, просвещающую дух, стяжавый/ и ко страданию готов соделавыйся,/ аще же и немощную плоть носяй,/ обаче благодатно укрепляемь;/ ныне же предстояй Владыце твоему/ во светлости неизреченней/ моли и нам терпением находящих/ Господней воле выну предавати себе// и спастися душам нашим.

Слава, глас и подобен той же:

Никтоже весть от человек,/ никтоже яве,/ како восходит душа/ на му-ченичества крест распятися,/ стужаема и ураняема зело/ от демонов и че-ловек лукавых,/ обаче паки никтоже ощути,/ бываемую благодать Господ-ню,/ страдальцы укрепляющую,/ темже молим тя,/ пастырю наш добрый Иоанне,/ с мученики древними и новыми/ моли и нам/ Креста Христова Тайны/ причастниками иногда явитися// и спастися душам нашим.

И ныне:

На стиховне, гл.2,

под. Доме Евфрафов:

Храм Живаго Бога/ от юности сердце твое/ священне Иоанне сотворил еси,/ понеже заповедей делатель,// смирения и кротости наперсник был еси.

Храм наук духовных/ радостно срете тя,/ яко мудра книжника, Иоан-не,/ в сердцы слагающа словеса Отец,// в них же добре поучался еси.

Велие и страшное/ на селе Бутовстем совершашеся,/ сонми бо бес-численнии:/ пастырие, монаси и простии// за Христа безвинно крове изли-ваху.

Слава, глас и под. той же

Велий и пречудный антиминс,/ тысящи мощей в себе держащий,/ Бу-товское есть село и вся Российская земля,/ в ней же и заступник теплый// Иоанн священномученик.

И ныне,  глас и под.той же:

Божие Селение/ Обителище Невместимаго,/Пресвятая Богородице,/ приими моления страстотерпец русских// их же Крепость ты и Похвала еси.

По полиелеи седален, гл. 8

Узкою стезею спасения/ верно следовал еси, отче Иоанне,/ ни дес-ными, ни шуйими соблазны не прельщаяся,/ ниже страха человеческа боя-ся./ Сего ради и нам, в житейстем мори пловущим,/ в суете и тлении по-гружаемым,/ якоже звезда в нощи,/ явился еси путевождь,/ к Вифлеему духовному ведущий,/ идеже души наша созиждутся,// о сем же ко Христу молися, молим тя.

По 3-й песни седален, гл. 2

Зело немощни духом,/самолюбиви и страшливи есмы,/и како стер-пим,/ аще попустит Господь/ чесому недоведомому наити на нас?/Токмо на молитвы священномученика Иоанна/ и всих Новомучеников и Испо-ведников Российских уповающе, молим:/ веры православныя николиже нам отрещися/ ниже во оглаголание ближних впасти,/ но во исповедании твердом даже до конца пребыти// и спастися душам нашим.

 

КАНОН, ГЛ. 6

 

 

Егоже краестрочие: Смирение Иоанна возводит ко страданию.

Песнь 1

Волнения морскаго/ Всемогущий Повелителю,/ умири смятение души мо-ея,/ соглашая ю, яко лик и тимпан,/ да со пророчицею в тишине воспою:// слав-но прославися Христос Бог наш.

Сам, Владыко,/ отверзи ми ум и язык/ да прославлю/ единаго от новых мученик Твоих,/ в граде Московстем/ от богопротивник убиеннаго,// протоие-рея Иоанна.

Мир душевный/ издетска притяжал еси души твоей,/ мудре Иоанне,/ яко родителей благочестивых сын,/ и леторасль добрая// Христоименитыя держа-вы—Святей Руси.

Иерей честный Михаил/ в малой веси Лопасни,/ близ Серпухова града на Московстей земли/ Господу служивый,/ видя чадо свое Иоанна/ кротка и бого-любива отрока,// с супружницею своею радовася.

Радование благочестивых/ несть пища и питие,/ ни богатство тленное,/ но Живый в душах Христос,/ сего ради/ пастыря церковнаго семейство,/ во трудех и скудости живуще,/ не преста благодарити Господа,// в Нем Едином утешающеся.

Богородичен: Радосте скорбящих,/ болящих душею и телом здравие,/ Мати Господа, святых Любителя,// мучеников Ты еси похвала.

 

Песнь 3

Утверждение и основание/ здания душевнаго/ суть святыя Твоя запове-ди,/Человеколюбче// в них же настави мя.

Ему же покланяются Силы Ангельстии/ и человецы благочестивии,/ Его же славят вся творения,/ сердцем непорочным возлюбил еси,/ еще отрок сый, Иоанне,/ и Того творити волю/ со Бесплотными слугами возжелел еси,// темже ныне с ними торжествуеши.

Не не ведал еси,/ мудре Иоанне,/ яко всяк благочестив/ гоненьми и скорбьми/ ражжется яко злато,/ обаче путь служения Христу// от юности себе избрал еси.

Имже всякая душа живится,/ Дух премудрости и разума,/ к научению книжному/ во училищех духовных/ в назидание души твоея,// Иоанне, умудри тя.

Елика пишется в житиях святых,/ к наказанию нашему вся полезна суть,/ обаче многа сокровенна и неведома,/ яже о новых мученицех,/ поне  гонителие/ беззакония своя утаяваху,/ свидетелей смерти предающе,/ и славити благочестивых возбраняху,/ всих знавших тех// премного устрашающе.

Богородичен: Земли Русския великая Ходатаице,/ присное Руси от чуждих избавление,/ славим Тя немолчными усты,/ до конца от нас не отвра-тившуюся// и безбожных враг паки поправшую.

Седален:

Песнь 4

Предвидеша пророцы явственне/ от Девы Еммануила непостижимое рождение,/ уязвлена же и страждуща за нас/ Того из глубины проразумеша,/ Ему же следующе мученицы новии// страстем Его причастницы явишася.

Иоанн благочестивый,/ учения духовная постигнувый,/ во училищех премудро наставляет/ христианских девиц,/ веру Божию усердне укрепляя,/ яже вскоре от безбожных властей// поруганию предастся.

Онаго благочестиваго учительства/ не остави богомудрый Иоанн,/ егда честным диаконом,/ Московской церкве Воскресения// волею Божиею постав-лен бысть.

Аще и отец семейства сый,/ Церкве же священнослужитель,/ обаче к высшему духовному учению/ любомудро, Иоанне, устремляешися,/ глубину учения Христова/ проникнути желая,/ деяния же мудре сочетав// молитвенному жительству.

Не красна хвала/ от устен нечистых приносимая,/ ложь бо есть,/ иже хва-лит добродетели, сим не подражая,/ темже, яко оных делатель,/ священне Иоанне,/ помози и мне,/ глаголющему многая полезная,// обаче не творящему сия.

Богородичен: Смирением преукрашена паче всех,/ безмерно яко же и чистоту сие имущи,/ и сего ради/ Учителя смирения неизреченно рождши,/ разумети чистым помыслом/ таинственное учение сие// настави мя.

Песнь 5

Воссияй в души ми Свете мой, Христе/ разумение Твоих велений,/ да от-вергнув воли скверныя страстей /и очистив мысленное око,// озарения разум-наго сподоблюся.

Не суетных учений ради,/ ниже взыскуя славы тленныя,/ списания Отече-ская древняя,/ исследуя, сличал еси,/ но в разуме внимая, Иоанне,/ деянием и словесем Отец,/ имже в житии последовал еси,/ темже молим тя:/ с великими Синайстими Отцы// молися о спасении душ наших.

Аще и зело ученый муж,/ школы высшия духовныя наставник,/ обаче чист от суетных кичений,/ русский пастырь Иоанн,/ тихости, смирения и кро-тости/ не остави свойственных ему,/ обличая тем надмение пустое// не имущих равных мудрости и ведения.

Возмущену морю лютому/ человеческих страстей и суетства,/ разорена и рассеяна явися,/ Академия Духовная,/ ты же, Иоанне, со семейством/ бегаеши глада же и мора,/ и в Воронежстих пределех// пастырства служение продолжа-еши.

Оскудевшу житию благочестивому/ и духодвижну слову на Руси,/ велия страдания людская/ попускает Человеколюбец Христос,/ и гонения ужасная являются/ наипаче же на верных христиан,/ но от тех чудесно процветоша// новомучеников тысящи.

Богородичен: О, единая Надеждо и Покрове/ попремногу заблуждающих российских людей,/ щите нерушимый земли нашея/ от нашествия иноплемен-ников различных,/ богоотступне ввергшихся иногда/ в небывалую дотоле сму-ту/ милостивнейше ныне Ты взыскала// и исправила еси.

Песнь 6

Поглощен уныния пучиной,/ в нюже вдаша мя лукавии греси,/ от пророка выну научаюся/ непрестанно Иисусу вопияти:/ Спасе, Человеколюбче,// из ис-тления мя возведи.

Звати тя на помощь не престанем,/ Иоанне мучениче,/ яко нашего теп-лейшаго ходатая,/ паки бо во град Москву/ на служение призван был еси,/ в храм велик Святаго Духа/ и воскрешения праведнаго Лазаря,/ что на Лазарев-стем кладбище,/ яко истинный друг Божий// и благовестник воскресения Его.

Веру непорочну, не бояся,/ Иоанне, проповедовал еси,/ все служение священное/ зело добре совершая,/ аще и известен был еси,/ яко мнози согляда-таи/ выну в храмах надзирают,/ оклеветывати тщащеся// пастырей и ревност-ных мирян.

Оле зрения печальнаго/ и слышания тяжкаго:/ чуден храм святаго Лаза-ря,/ егоже и Святейший Тихон возлюби,/ предается поруганию,/ верным произ-гнанным от него,/ но предместник Иоаннов Александр,/ умирая, в Дусе прори-цает,/ яко оный будет возрожден,// и вси храмы земли Русския.

Дева Мати Божия/ взят оттоле тя под кров Свой,/ святе Иоанне,/ в Тих-винстем бо Ея храме/ пастырство продолжил еси,/ сему же от безбожник затворену,/ в Троицы Святыя церкве,/ и в последняя же паки// в храме Знамения Пречистыя служил еси.

Богородичен: К празднованию, Владычице,/ образа Твоего предивнаго / приложися память новаго страдальца,/ Твоего усерднаго служителя,/ храма Знамения настоятеля// священномученика Иоанна.

Кондак, гл. 3

Кротость и незлобие твои,/ отче Иоанне,/ и отеческим учением последо-вание,/ яко лествица небовосходная/ возведоша тя к духовному преспеянию/ и ко еже за Христа страданию,/ и венец сугубый исходатаиша ти,/ сего ради мо-лим тя/ научи и нас, тя почитающих,/ крест свой взяти и за Господом идти// и моли спастися душам нашим.

Икос: Песнь 7

В пещи новей искушений и скорбей/ новыми мучители ражженней/ муче-ницы твердо укрепляхуся/ надеждею спасения Твоего,/ с отроки поюще Бога отцев,// упование бо их не посрамися.

Испытаху злобнии гонителие,/ священнострадальче Иоанне,/ неких от сосед и знаемых твоих,/ да на тя нечто провещают,/ не обретше же свиде-тельства/ письмена подложная,/ умовредная и лживая,/ люте составляют на тя,// и беззаконне во узилище ввергают.

Ти взываем и тя молим,/ добропобедне мучениче,/ возбрани нам ропоту предатися,/ егда Господним промышлением,/ во очищение грех наших,/ нечто скорбное и тяжкое вельми// внезапу на ны найдет.

Како претерпесте вся страдания,/ рцыте нам, святии новомученицы,/ бы-сте бо подобострастнии нам людие,/ не имущии телесныя особенныя крепо-сти,/ како искушаху вас богоотступницы,/ како укрепляше вы Господь,/ возда-яние грядущее/ извещая душам вашим,/ како в торжество и ликование// муки претворяшася и смерть.

Оле мужества страдальцев и терпения,/ нашей немощною плотию обло-женных,/ не токмо бо язвиша телеса врази,/ но и душам смущения/ и помраче-ния творяху,/ хульными и злыми словесы,/ древним змием наученнии,/ изощ-ренными стрелами// души истязати.

Богородичен: Благодать Твоя и милосердие Владычице,/ суть душам це-лительный елей,/ ранам обязание мягчайшее,/ просвещение же ясное уму,/ сего ради всим страдальцем терпеливным/ врачевание всесильное/ со-страданием и попечением Матерским// выну подавала еси.

Песнь 8

Иже утверждени в вере и любве,/ неопальни пребывают/ в здешнем пла-мени гонений и скорбей,/ прохлаждаеми росою Духа,/ богоборцы же якоже древле/ опаляются возженным ими огнем// к вечному огню уготовляеми.

Стефан священный первомученик,/ виде отверстая небеса,/ о убивающих моляся,/ ты же, новый мучениче Иоанне,/ незлобия и кротости рачителю,/ яже видел еси, убиваемь,// рцы нам, чтущим тя.

Тысящи страдалец,/ архиерее, иноцы и пастырие/ и благочестивии ми-ряне,/ подле веси Бутовстей/ убиени за Христову веру быша,/ якоже и земли на всяк день// от кровей их обагрятися.

Разум изнеможе разумети,/ како лютии убийцы,/ видяще терпение неко-лебимое/ толика сонма велия страдалец,// обуявше не покаяшася.

Аще и не вемы,/ како, Иоанне, исходил еси/ в крайний путь Голгофстий,/ что инем страдальцем во оный час/ возглаголал еси,/ мыслим убо, яко зимний мраз,/ тьма нощная, лаяние псов,// убивающих злоба стужаху ти.

Богородичен: Мати Милосердия,/ долготерпения Сокровище,/ крепосте мучеников,/ укрепи мя в тяжкий смертный час,/ прощения ходатайствующи,// яже содеях пагубных деяний.

Песнь 9

Не рыдайте прочее/ таинства Креста не разумеющии человецы,/ сим бо исцелив изгибнувшее древле естество,/ обожи и спосади Престолу Божию Христос,/ воплотивыйся от Девы Чистыя,/ сим же к совершению возводит// вземших крест и в след Ему идущих.

Дан бысть вам, святии новомученицы/ велий дар Христов:/ не токмо еже в Него веровати,/ но и по Нем страдати./ Обаче восприяти сей/ никтоже может когда,/ токмо исполняющий усердно выну/ заповеди Божии,/ и в молитве непрестанней// благодатне укрепляющийся.

Ангельстии радостнии сонми,/ при московстей сей Голгофе предстояще,/ весело сретоша/ душу многострадальную твою,/ святе Иоанне,/ вкупе с прочи-ми страдальцы,/ и к Престолу Подвигоположника// с пеньми вознесоша.

Новии предстателие наши,/ дивнии же и бесчисленнии,/ дерзновение имуще много ко Христу,/ Егоже сице возлюбили есте,/ за Него же крове излия-ли есте,/ Сего убо молите прилежно,/ о Российских ваших сродницех// и о мире всего мира.

Изрещи никтоже может когда/ вечнаго блаженства,/ яже воздает Гос-подь/ пострадавшим за Него,/ мы же убо памятуем, братие,/ яко зело тесный крестный путь/ в райская пресветлая жилища// есть единая стезя.

Юже тяжце погубляю страстьми,/ Богозданную ми душу,/ извлецы от по-топления мирскаго,/ мрежею священною молитв,// священнострадальче Иоан-не.

Богородичен: Молим Тя, Спасителева Мати,/ милостивно паки призри на ны,/ прилагающи к молению моление,/ о  еже исцелити нас от многих недуг,/ наипаче же от слепоты духовныя,/ яже и едина есть довольна// вся благая в душах погубити.

Светильны:

Стихиры на хвалитех

гл. 2, под. Егда от древа

Егда на новем месте лобнем,/ идеже реки крове неповинней проли-яшася,/ предстал еси, священномучениче Иоанне,/ убийцам зверонравным,/ сомненьми никакоже поколебался еси,/ ни малодушию предался,/ но укрепляемый неисчерпаемою силою/ мужески кончину сретил еси, вопия:// в руце Твои предаю мой дух, Человеколюбче.

Егда от тела бреннаго/ прият со славою Христос твой дух,/ венцы победными венчая, Иоанне,/ вводя в пресветлый чертог,/ и в ризы облекая белы,/ возлюбленнаго Своего страдальца,/ веру кровию свидетельство-вавша,/ тогда со трепетом возопил еси к Нему:// слава смотрению Твоему, Человеколюбче.

Егда Силы зряху тя, мучениче,/ от беззаконник люте убиваема,/ обаче злобы в сердцы не приемшаго,/ ни влаянию ропота вдавшагося,/ удив-ляхуся твердому терпению твоему,/ тело же твое небрежно кинутое честию почтоша,/ вопиюще тя Укрепльшему Христу:// слава смотрению Твоему, Человеколюбче.

гл. 7

Православия и благочестия,/ твердаго поборника и проповедника,/ крото-сти и тихости наперсника/ и учительнаго пастыря изряднаго,/ отеческих деяний и словес/ тепла испытателя и подражателя,/ Иоанна добляго восхвалим,/ яко велиим мучением сконча течение,/ праведности бо совокупи страдания венец,/ ныне же о нас, прилежно чтущих память его/ и во храме его теплыя молитвы возносящих/ молится усердно Господу Христу// спастися душам нашим

Тропарь: 

Тропарь, глас 5:

            Добрым подвигом подвизаяся,/ украшение иереем явился еси, отче Иоанне,/ любомудрию же отцев синайских поучаяся,/ разум твой Христовой истине покорил еси,/ пастве твоей образ чистоты и благочестия явив,/ кровию мученическою житие запечатлел еси./ Темже Богу предстоя,/ моли спастися душам нашим. 

Кондак: 

 

Кондак, глас 2:

Молитвенника тепла/ обрете тя земля Московская,/ священномучениче Иоанне,/ ты бо, в пастырских трудех усердно подвизаяся,/ многия на стези спасения наставил еси/ и, от Христа мученическим венцем украсився,/ во обителех райских водворился еси./ Темже тя любовию величаем.

Молитва: 

 

Молитва

О, избранниче и угодниче Христов, священномучениче Иоанне, Церкве Русския столпе непоколебимый, земли нашея благое прозябение и красный плод, сродников твоих предстателю и наставниче! Ты во время гонения безбожнаго от сокровищницы души твоея спасительное исповедание Православныя веры изнесл еси, и людем верным пастырь добрый явился еси, душу твою за Христа и Его овцы полагая и лютыя волки далече отгоняя. Ныне убо призри на нас, недостойных чад твоих, умиленною душею и сокрушенным сердцем тя призывающих. Умоли Господа Бога, да простит согрешения наша и избавит от адовых уз и вечнаго мучения. Утверди нас в вере святой, научи нас всегда творити волю Божию и хранити заповеди церковныя. Буди пастырем нашим - правило веры, воином – вождь духовный, болящим – врач изрядный, печальным – утешитель, гонимым – заступник, юным – наставник, всем же благосердый отец и теплый молитвенник, яко да молитвами твоими соблюдется в Православии Святая Русь и непрестанно славится в ней имя Пресвятыя Троицы, Отца и Сына и Святаго Духа во веки веков. Аминь.