Святыня в храме.
6 мая 2016 года Святая Церковь празднует память великомученика Георгия, которого с любовью называют Победоносцем. Для нашей страны этот святой особенный, с ним связано множество случаев Божией помощи нашему народу, один из них - победа в Великой Отечественной Войне. Мы верим, что неслучайно Господь даровал нам победу именно в день памяти великомученика Георгия. А для нашего храма близость этому угоднику Божию явна - у нас находится частица его мощей, и приобщится к Божиему благословению может каждый!..
Так же, один из наших приписных храмов, храм великомученика Георгия, на улице Живописной, настоятелем которого является всеми нами любимый иерей Игорь Константинов, отпраздновал в этот день престольный праздник. На нем присутствовал настоятель нашего храма и благочинный протоиерей Георгий. Процветания и благоденствия желаем отцу Игорю и его пастве!
Тропарь великомученику Георгию Победоносцу, глас 4.
Яко пленных свободитель/ и нищих защититель,/ немощствующих врач,/ православных поборниче,/ победоносче, великомучениче Георгие,/ моли Христа Бога// спастися душам нашим.
Тропарь великомученику Георгию, ради освящения храма его, глас 4
Днесь блажат тя мира концы,/ Божественных чудес исполншеся,/ и земля радуется, напившися крове твоей./ Христоименитии же людие града Киева/ освящением Божественнаго храма твоего радостию возвеселишася,/ страстотерпче Георгие,/ сосуде избранный Святаго Духа, угодниче Христов./ Егоже моли/ с верою и мольбою приходящим во святый твой храм/ дати очищение грехов,// умирити мир и спасти души наша.
Кондак великомученику Георгию Победоносцу, глас 4.
Возделан от Бога,/ показался еси благочестия делатель честнейший,/ добродетелей рукояти собрав себе:/ сеяв бо в слезах, веселием жнеши,/ страдальчествовав же кровию, Христа приял еси,/ молитвами, святе, твоими всем подаеши// прегрешений прощение.
Ин тропарь великомученику Георгию Победоносцу, глас 4.
Подвигом добрым подвизался еси,/ страстотерпче Христов,/ верою и мучителей обличил еси нечестие,/ жертва же благоприятна Богу принеслся еси./ Темже и венец приял еси победы/ и молитвами, святе, твоими всем подавши// прегрешений прощение.
Кондак великомученику Георгию Победоносцу, глас 8.
К возбранному и скорому заступлению Твоему прибегше, вернии,/ молим избавитися, страстотерпче Христов,/ от соблазн вражиих воспевающим тя,/ и всяких бед, и озлоблений, да зовем:// радуйся, мучениче Георгие.
Кондак великомученику Георгию, ради освящения храма его, глас 2.
Божественнаго и венценоснаго великомученика Христова Георгия,/ на враги победу вземшаго одоления,/ сошедшеся верою во освященный храм, восхвалим,/ егоже благоволи Бог создати во имя его,// Един во святых почиваяй.
Молитва 1-я великомученику Георгию
Святый, славный и всехвальный великомучениче Георгие! Собраннии в храме твоем и пред иконою твоею святою покланяющиися людие, молим тя, известный желания нашего ходатаю, моли с нами и о нас умоляемаго от Своего благоутробия Бога, да милостивно услышит нас, просящих Его благостыню, и не оставит вся наша ко спасению и житию нуждная прошения, и дарует стране нашей победу на сопротивныя; и паки, припадающе, молим тя, святый победоносче: укрепи данною тебе благодатию во бранех православное воинство, разруши силы востающих вра гов, да постыдятся и посрамятся, и дерзость их да сокрушится, и да уведят, яко мы имеем Божественную помощь, и всем, в скорби и обстоянии сущим, многомощное яви свое заступление. Умоли Господа Бога, всея твари Создателя, избавити нас от вечнаго мучения, да прославляем Отца, и Сына, и Святаго Духа и твое исповедуем предстательство ныне, и присно, и во веки веков. Аминь.
Молитва 2-я великомученику Георгию
О всехвальный, святый великомучениче и чудотворче Георгие! Призри на ны скорою твоею помощию и умоли Человеколюбца Бога, да не осудит нас, грешных, по беззакониям нашим, но да сотворит с нами по велицей Своей милости. Не презри моления нашего, но испроси нам у Христа Бога нашего тихое и богоугодное житие, здравие же душевное и телесное, земли плодородие и во всем изобилие, и да не во зло обратим даруемая нам тобою от Всещедраго Бога, но во славу святаго Имени Его и в прославление крепкаго твоего заступления, да подаст Он стране нашей и всему боголюбивому воинству на супостаты одоление и да укрепит непременяемым миром и благословением. Изряднее же да оградит нас святых Ангел Своих ополчением, во еже избавитися нам по исходе нашем из жития сего от козней лукаваго и тяжких воздушных мытарств его и неосужденным предстати Престолу Господа славы. Услыши нас, страстотерпче Христов Георгие, и моли за ны непрестанно Триипостаснаго Владыку всех Бога, да благодатию Его и человеколюбием, твоею же помощию и заступлением обрящем милость со Ангелы и Архангелы и всеми святыми одесную Правосуднаго Судии стати и Того выну славити со Отцем и Святым Духом ныне, и присно, и во веки веков. Аминь.
