Праотцы и пророки
ПРАОТЦЫ И ПРОРОКИ
В Ветхом Завете о праотцах: Вся книга Бытие;
В Ветхом Завете о пророках: Прем. 3:1-9; 4:7 - 5:7; 5:15 - 6:3;
Библейские песни (все, кроме 9-й, относящейся к Пресвятой Богородице, связаны с различными пророками): Исх.15:1-19; Втор.32:1-43 (Моисей); 1Цар.2:1-11 (Анна, мать Самуила); Авв.3:1-19 (Аввакум); Ис.26:9-19(Исаия); Ион.2:3-10(Иона); Дан.3:26-56; Дан.3:67-88 (Даниил и три его товарища);
Псалмы: Пс. 32, 43, 75, 91, 96, 98, 109, 111, 134, 135;
Еванегелие о праотцах: Мф. 1: 1-25 (Родословие Христа);
Евангелие о пророках: Мф. 23:29-39; Лк. 11:47-54 (обличение в гонении); Лк. 4:22-30 (воспоминание об Илие);
Апостол о праотцах: Кол. 3: 4-11; Евр. 11:9-40;
Апостол о пророках: Иак. 5:10-20; 1Кор.14: 20-25; Евр. 6: 13-20;
Ключевые праздники: Неделя Святых Отец, Неделя Святых Праотец (т.е. "Неделя перед Неделей Святых Отец"), Неделя Адамова изгнания ("Прощенное" воскресенье).
Общая гимнография:
Из последования проскомидии:
Святых славных пророков: Моисея и Аарона, Илии и Елиссея, Давида и Иессея, святых триех отроков, и Даниила пророка, и всех святых пророков.
Из молитвы после Евхаристического канона:
Еще приносим Ти словесную сию службу о иже в вере почивших, праотцех, отцех, патриарсех, пророцех... и о всяком дусе праведнем в вере скончавшемся..
Из молитвы великого повечерия:
Святии славнии... пророцы... и вси святии, молите о нас грешных.
Тропарь из 9 песни Покаянного канона ко Господу:
Ныне плачуся к вам, / святии патриарси, царие и пророцы.../ помозите ми на суде, / да спасет душу мою от силы вражия.
Из молитвы после Умилительного канона ко Господу:
...почитаем и провозвестившия Тя пророки...
Из акафиста всем святым:
И́кос 2
Ра́зуму на́шему просвеще́ние у Го́спода испроси́те, святи́и уго́дницы Бо́жии, да отря́сши земно́е пристра́стие, вознесе́мся се́рдцем и мы́слию в насле́дованная ва́ми и на́м обеща́нная селе́ния ра́йская, и возопие́м ва́м ра́достно:
Ра́дуйтеся, ветхозаве́тнии пра́отцы и патриа́рси, родонача́льницы по пло́ти Христа́ Сы́на Бо́жия; ра́дуйтеся, я́ко благослове́нием Бо́жиим умно́жишася ро́ды ва́ша, я́ко зве́зды небе́сныя.
Ра́дуйтеся, среди́ мра́ка дре́вняго нече́стия пра́вую ва́шу ве́ру во и́стиннаго Бо́га сохрани́вшии; ра́дуйтеся, с наде́ждою ча́явшии обетова́ннаго Искупи́теля.
Ра́дуйтеся, я́ко от ва́шего пле́мене возсия́ пресве́тлая свеща́ — Богоро́дица Мари́я; ра́дуйтеся, я́ко от Нея́ роди́ся Победи́тель сме́рти и а́да.
Ра́дуйтеся, ве́рою во гряду́щаго Христа́ спасе́ние улучи́вшии; ра́дуйтеся, вме́сто дре́вния кля́твы благослове́ние те́м получи́вшии.
Ра́дуйтеся, и во а́де Христо́ва прише́ствия ожида́вшии; ра́дуйтеся, а́дских муче́ний И́м изба́вленнии.
Ра́дуйтеся, на небеса́ со сла́вою возведе́ннии; ра́дуйтеся, с ли́ки а́нгельскими в ве́чныя оби́тели Отца́ Небе́снаго вселе́ннии.
Ра́дуйтеся, вси́ святи́и, те́плии о все́м ми́ре Бо́гу моли́твенницы.
Икос 3
Иму́ще святи́и проро́цы пресла́вная селе́ния во оби́телех до́му Отца́ Небе́снаго и присносу́щным све́том лица́ Бо́жия просвеща́еми, неизрече́ннаго вои́стину со все́ми святы́ми наслажда́етеся блаже́нства, его́же мы́ земни́и прича́стницы бы́ти жела́юще, воспева́ем ва́м си́це:
Ра́дуйтеся, святи́и проро́цы, Бо́гом избра́ннии пре́жде ва́шего рожде́ния; ра́дуйтеся, ве́рно порабо́тавшии Ему́ пре́жде Христо́ва воплоще́ния.
Ра́дуйтеся, от младе́нчества благода́тию Свята́го Ду́ха освяще́ннии; ра́дуйтеся, по́сланнии от Го́спода вразумля́ти заблу́ждшия сы́ны Изра́илевы.
Ра́дуйтеся, предвозвести́вшии Христо́во от Де́вы сла́вное рожде́ние; ра́дуйтеся, зве́зды, предвари́вшии прише́ствие и́стиннаго Со́лнца.
Ра́дуйтеся, законопресту́пных царе́й Изра́илевых дерзнове́нно обличи́вшии; ра́дуйтеся, вся́кое людско́е нече́стие мече́м сло́ва Бо́жия неща́дно посе́кшии.
Ра́дуйтеся, ве́рнии раби́ Госпо́дни, вся́ хоте́ния Его́ испо́лнившии; ра́дуйтеся, и́стину небоя́зненно пред властьми́ веща́вшии.
Ра́дуйтеся, мно́ги ско́рби в ми́ре претерпе́вшии; ра́дуйтеся, со все́ми избра́нными торжеству́ющии на небеси́ в сла́ве ве́чней.
Ра́дуйтеся, вси́ святи́и, те́плии о все́м ми́ре Бо́гу моли́твенницы.
Тропарь, Глас 2
Ве́рою пра́отцы оправда́л еси́, / от язы́к те́ми предобручи́вый Це́рковь: / хва́лятся в сла́ве святи́и, / я́ко от се́мене их есть Плод благосла́вен, / без се́мене Ро́ждшая Тя. // Тех моли́твами, Христе́ Бо́же, поми́луй нас
Тропарь, Глас 2
Ве́лия ве́ры исправле́ния: / во исто́чнице пла́мене, я́ко на воде́ упокое́ния, / святи́и трие́ о́троцы ра́довахуся, / и проро́к Дании́л львом па́стырь, я́ко овца́м, явля́шеся. // Тех моли́твами, Христе́ Бо́же, спаси́ ду́ши на́ша
Тропарь, Глас 2
Пророка Твоего (имярек) память, Господи, празднующе, тем Тя, молим, спаси души наша.душа́м
Кондак, Глас 6
Рукопи́саннаго о́браза не поче́тше, / но Неопи́санным Существо́м защити́вшеся, треблаже́ннии, / в по́двизе огня́ просла́вистеся, / среде́ же пла́мене нестерпи́маго стоя́ще, Бо́га призва́сте: / ускори́, о Ще́дрый, и потщи́ся, я́ко Ми́лостив, в по́мощь на́шу, // я́ко мо́жеши хотя́й
Кондак, Глас 6
Премудрости наставниче, смысла подателю, / немудрых наказателю, и нищих защитителю, / утверди, вразуми сердце мое Владыко. / Ты даждь ми слово, Отчее Слово, / се бо устне мои не возбраню, / во еже звати Тебе: / Милостиве, помилуй мя падшаго
Кондак, Глас 4
Просветившееся Духом чистое твое сердце пророчества бысть светлейшаго приятелище: зриши бо, яко настоящая, далече сущая; сего ради тя почитаем, пророче блаженне (имярек), славне.
Величание:
Величаем тя, святый пророче Божий (имярек), и чтим святую память твою, ты бо молиши о нас Христа Бога нашего.
Прокимны и аллилуиарии Праотцам (Дан. 3; Пс. 32, 43 и 98)
Прокимен, глас 4. Песнь отцев: Благослове́н еси́ Го́споди Бо́же оте́ц на́ших, / и хва́льно и просла́влено и́мя Твое́ во ве́ки.
Стих: Я́ко пра́веден еси́ о всех, я́же сотвори́л еси́ нам.
Аллилуиа, глас 4: Моисе́й и Ааро́н во иере́ех Его́, и Саму́ил в призыва́ющих и́мя Его́.
Стих: Призыва́ху Го́спода, и Той послу́шаше их.
Аллилуиа, глас 4: Бо́же, уши́ма на́шима услы́шахом, и отцы́ на́ши возвести́ша нам.
Стих: Спасл еси́ нас от стужа́ющих нам, и ненави́дящия нас посрами́л еси́.
Прокимны и аллилуиарии (Пс. 75, 91)
Помолитеся, и воздадите / Господеви Богу нашему.
Стих: Ведом во Иудеи Бог, во Израили велие имя Его.
Благо есть исповедатися Господеви, и пети имени Твоему Вышний.
Стих: Возвещати заутру милость Твою, и истину Твою на всяку нощь.
Прокимны и аллилуиарии (Пс. 96, 98, 109, 111):
Прокимен, глас 4: Ты иерей вовек по чину Мелхиседекову.
Стих: Рече́ Госпо́дь Го́сподеви моему́: седи́ одесну́ю Мене́, до́ндеже положу́ враги́ Твоя́ подно́жие ног Твои́х.
Аллилуиа, глас 5: Моисе́й и Ааро́н во иере́ех Его́, и Саму́ил в призыва́ющих и́мя Его́.
Стих: Свет возсия́ пра́веднику, и пра́вым се́рдцем весе́лие.
Причастен: В память вечную будет праведник, от слуха зла не убоится
Особое место в иконостасе: верхние ряды. В руках могут быть свитки с цитатами.
_______________________________________________________________________
Подписывайтесь на канал воскресной школы
в Telegram. https://t.me/voscr_strogino
