Гимнография сщмч. Николая (Околовича) протоиерея, Витебского (1934)
Гимнография:
Даты:
Тропарь:
Тропарь, глас 4:
Кротость и смирение стяжавый, / любовь Христову пастве твоей показал еси / защитник небоязненный Церкве Православныя в годину огненных искушений явился еси, / священномучениче Николае, / заточения и изгнания, / страдания и смерть от богоборцев претерпел еси. / Венец мученический приявый, / на Небеси ныне радуешися. / Моли Милостивого Бога, / да сохранит Церковь нашу от нестроений, / единомыслие и мир людем Своим дарует / и спасет души наша.
Кондак:
Кондак, глас 1:
Всехвальне священномучениче Николае, / страдания до крове претерпевый, / в себе помышлял еси, / яко Господа ради умерщвляеми есмы / и несть наша брань к плоти и крови, / но противу миродержителя тьмы века сего. / Темже Христу, святе, молися / даровати нам мир и велию милость.
Молитва:
Молитва
О Блаженне отче наш Николае, пастырю добрый, исповедников славо, православным людем наставниче и уставов Церковных хранителю.
Молимся Тебе, яко чадолюбивому отцу нашему, и от сердца с любовью вопием: о священномучениче Николае, поминай стадо твое, еже мудре собрал и сохранил еси в годину лютых испытаний от неверия, ересей и расколов; соблюди твоими молитвами православную паству, и не презри нас, чтущих честную память твою.
Сохрани молитвами твоими землю нашу, грады и храмы ея от враг видимых и невидимых. Отжени от нас облак страстей и искушений, просвети наша душевныя очи и разум. Принеси моления наша Творцу и Избавителю всех, в Троице поклоняемому Богу Отцу и Сыну и Святому Духу ныне и присно и во веки веков. Аминь.
