Гимнография свщмч. Василия (Разумова) иерея, Костромского (1937)

Гимнография: 
[Служба]  [Великое бдение]  [Бдение]  [Полиелей]  [Славословие]  [«на 6»]  [«на 4»]  [Тропарь]  [Кондак]  [Молитва]  [Канон]  [Акафист]
Даты: 
Иконы: 
Тропарь: 
 
 
Тропарь, глас 4:
 
От юности красоту церковную возлюбил еси, благодатию Духа Святаго дивно украшенный, добрый пастырю стада словесных овец. Их же от расхищения мужески спасая, сам от безбожных лютыя страдания претерпев, велие дерзновение перед Богом обрел еси. Отче священномучениче Василие, моли Христа Бога спастися душам нашим
 
Кондак: 

 

 

Кондак, глас 3:
 
В годину лютую к пастырству призванный, в обители преподобного Пахомия подвизался еси. Множество душ к покаянию и спасению приведый, за Христа пострадав даже до крове, ныне усердно молися о нас, священномучениче Василие.
 
Молитва: 

 

 

Молитва
 
О угодниче Божий, святый священномучениче отче Василие! От юности своея в молитве и сладкопении Богови усердно предстоя, благолепие службы церковныя всею душею возлюбил еси. Прилежно науку пения церковнаго постигнувый, со всяким благоговением и усердием труды клиросныя понесл еси. Горести, нужды и скорби познавый, сердце сокрушенно и смиренно стяжал еси. Богом ко учительству призванный, отроков и отроковиц множество во благочестии воспитал еси. Егда же Господь в годину лютую гонений на Церковь Божию призва тебе к трудам пастырства, мужественный защититель паствы своея был еси. Нетвердых во православии утверждая, нестроения врачуя и расколы искореняя, верен архипастырю своему, священномученику Никодиму, во узах сущему, остался еси. Веру святую отеческую не стыдяся исповедовати даже до крове, страдания, заключения и смерть за Христа претерпел еси. Тем же и ныне предстоя Престолу Всесвятыя Троицы, моли усердно Подвигоположника Господа Иисуса Христа пастырем нашим ревность ко службе Божественной и попечению о душах пасомых подати, нам же, обремененным грехи многими, ревность ко исполнению заповедей Христовых, к благословенному труду и к возрождению святыни церковныя даровати. О угодниче Божий, святый священномучениче отче Василие! Ныне со архипастырем своим, священномучеником Никодимом, со новомученики земли Солигаличския и со всеми святыми Костромскаго края покровителями, моли Вседаровитаго Бога и Его Пречистую и Преблагословенную Матерь сохранити землю нашу в мире, тишине и благоденствии, нам же всем спасение душевное получити и блаженство нескончаемое в вечном Царствии Христовом наследовати, Ему же подобает всякая слава, честь и держава, со Безначальным Его Отцем и с Пресвятым Духом во веки веков. Аминь.