Гимнография прпмч. Владимира (Товстика) священноинока Черкасского (1937)
Гимнография:
Даты:
Тропарь:
Тропарь, глас 4:
Постнически преподвизався во Одесстей земли, умная врагов ополчения всеоружием Креста погубил еси, всеблаженне, паки же ко страдальчеству мужески вооружился еси, убив безбожныя мечем веры, и обоих ради венчался еси от Бога, преподобномучениче Владимире, приснопамятне.
Кондак:
Кондак, глас 2:
Яко пастыря благочестна, равноапостольному тезоименитаго, и страдальца произволением честна, и жития монашескаго сообразна, в песнех достойно воспоим Владимира преподобномученика: той бо змия богоборнаго попрал есть.
Молитва:
Молитва
О, венцем мученическим венчанный преподобномучениче Владимире! Во дни земнаго жития твоего мнози скорби мужественне претерпел еси и Господа ради за Церковь Его Святую и овец стада Христова душу твою положил еси, призри на люте сраждущую страну нашу, в нейже за беззакония наша скорби и нестроения зело умножишася, людие же, имже несть страха Божия, в слух людей, паче же юных сущих, развращенная глаголют, и от пути заповедей Божиих на пути стропотныя и погибельныя совратити тщатся. Умоли Милосердаго Бога, преподобномучениче славный, да помилует землю Русскую, да утолит вся крамолы, раздоры и нестроения, утвердит же веру православную даже до скончания века, умирит сердца, страстьми обуреваемыя, простит вся согрешения наша, направит волю нашу на исполнение воли Его, да якоже древле, тако и ныне на земли нашей, и в нас, и чрез нас пррославится Всесвятое Имя Отца и Сына и Святаго Духа, ныне и присно и во веки веков. Аминь.
